Ujian Sekolah SMP Bahasa Jawa

Ujian Sekolah SMP Bahasa Jawa

Wacanen sing premati !

Atur Pasrah Panganten Kakung

Assalamu’alaikum Wr. Wb.

Panjenenganipun bapa Subur Cahyono dalah ibu Sri Sayekti sakulawangsa ingkang dhahat kinurmatan, para sesepuh pinisepuh ingkang satuhu kinabekten, para manggalaning praja dhusun Koripandriya ingkang tansah sinudarsana, saha para rawuh kakung sumawana putri ingkang satuhu luhur ing budi. Saderengipun sumangga kula dherekaken tansah memuji ngarsa Gusti Ingkang Maha Welas, ing pangajab mugi kula lan panjenengan sadaya tansah kaparingan wilujeng widada nirhing sambikala. Amiin.

Minangkani pamundhutipun bapa Winarto Anjar jejer pangraciking adicara pahargyan wisuda kramaning pinanganten, kaparenga kula pun Bayu Lelana sumela matur minangka sesulih saha talanging atur panjenenganipun bapa Sasmita Adi dalah ibu Sarimpi.  Inggih awit saking bombonging manah bapa Sasmita Adi dalah ibu Sarimpi boten kuwawi matur ngarsa panjenengan sadaya.

Ingkang sepisan bapa Sasmita Adi dalah ibu Sarimpi ngaturaken salam taklim konjuk ngarsa panjenenganipun bapa Subur Cahyono dalah ibu Sri Lamisih sakulawangsa sumrambah para rawuh sadaya. Mugi sowan kula sapangombyong saged handadosaken rinaketing pasedherekan luhur.

Kaping kalihipun, sarehing lampahing adicara panggih pinanganten enggal tumapak minangka pepeking pahargyan, pramila kaparenga kula masrahaken pinanganten kakung katur panjenenganipun bapa Subur Cahyono dalah ibu Sri Lamisih. Linambaran kencenging dedonga mugi pahargyan dhauping pinanganten sarimbit, nuwun inggih rara Endah Arumingtyas putri bapa Subur Cahyono dalah ibu Sri Lamisih sinandhing dhimas Jalu Wicaksana putra panjenenganipun bapa Sasmita Adi dalah ibu Sarimpi ingkang mijil saking Kuryokalangan, sageda tumapak kathi rancag nirhing sarkara-kara. Dhumateng pinanganten sarimbit mugia saged amangun kulawarga ingkang sakinah mawadah warohmah netepi kekudanganipun ngasepuh.

Makaten atur kula minangka sulihing bapa Sasmita Adi dalah ibu Sarimpi, mbok bilih wonten atur ingkang sajak kirang damel suka renaning penggalih, saestu kula nyadhong rumentahing pangaksama. Nuwun.

Wassalamu’alaikum Wr. Wb.

I. Pilihen salah sijining wangsulan kanthi menehi tandha ping (X) aksara a, b, c utawa d ing lembar jawab!

1. Pasrah panganten kakung kuwi manut urutaning pahargyan kalaksanan ....

a. Sadurunge lamaran c. Sadurunge ijab

b. Sadurunge midodaren d. Sadurunge panggih

2. Mratelake atur pasrah panganten kakung ing ndhuwur, sapa sejatine sing dadi pangantene?

a. Subur Cahyono lan Sri Lamisih

b. Winarto lan Anjar

c. Sasmita Adi lan Sarimpi

d. Jalu Wicaksana lan Endah Arumingtyas

3. Paraga sing kajibah masrahake panganten kakung yakuwi ....

a. Subur Cahyono c. Bayu Lelana

b. Winarto Anjar d. Sasmita Adi

4. Sapa sing karan “Para manggalaning praja dhusun Koripandriya” kuwi?

a. Petugas Polisi

b. Bupati

c. Perangkat Desa

d. Warga dhusun

5. Urut-urutaning sesorah sing bener yaiku....

a. Salam pambuka, pambuka, isi, pangarep-arep, wacana basa, salam panutup

b. Salam pambuka, pakurmatan,puewaka, isi, panutup

c. Purwaka, isi, pangarep-arep, panutup

d. Salam pambuka, purwaka, isi, panutup

6. Layang kang isine cekak aos diarani layang..., dene yen arep duwe gawe lumrahe gawe layang….

a. Ulem ; kitir c. iber-iber ; kitir

b. Kitir ; ulem d. iber-iber ; ulem

7. “Makaten atur kula minangka sulihing bapa Sasmita Adi dalah ibu Sarimpi, mbok bilih wonten atur ingkang sajak kirang damel suka renaning penggalih, saestu kula nyadhong rumentahing pangaksama.” Ukara kuwi kalebu perangan ... sajrone sesorah.

a. pambuka c. wasana basa

b. isi d. pangarep-arep

8. Wong tuwane nganten putri nganthi pinanganten sarimbit migunakake slendhang tumuju dhampar kencana. Adicara kuwi arane....

a. Kinanthi c. Sindhuran

b. Midodari d. Dhamparan

9. “Saksana kumlawe astane panganten putrid sarwi ambalang gantal mring panganten kakung”. Ukara kuwi minangka panyandra pinanganten kanga arep nindakake.…

a. dulangan c. bobot timbang

b. balangan gantal d. kacar-kucur

10. 1. bobot timbang 4. sungkeman

2. kacar-kucur 5. dulangan

3. balangan gantal 6. ngidak tigan

Urut-urutane upacara adat panggihing temanten sing bener yaiku….

a. 3-1-2-6-5-4 c. 3-6-2-1-5-4

b. 3-6-2-5-1-4 d. 3-1-2-5-6-4

11. Ukara kang nuduhake tuladhane wangsalan yaiku ....

a. Ireng kumpul padha ireng lir kadya gagak reraton. c. Wedang bubuk gula jawa, yen kepethuk ati lega.

b. Roning mlinjo, sampun sayah nyuwun ngaso. d. Jamune rasane legi bratawali.

12. Ukara kang nuduhake tuladhane pepindhan yaiku ....

a. Ireng kumpul padha ireng lir kadya gagak reraton. c. Wedang bubuk gula jawa, yen kepethuk ati lega.

b. Roning mlinjo, sampun sayah nyuwun ngaso. d. Jamune rasane legi bratawali.

13. Ukara kang nuduhake tuladhane parikan yaiku ....

a. Ireng kumpul padha ireng lir kadya gagak reraton. c. Wedang bubuk gula jawa, yen kepethuk ati lega.

b. Roning mlinjo, sampun sayah nyuwun ngaso. d. Jamune rasane legi bratawali.

14. Ukara kang nuduhake tuladhane sanepa yaiku ....

a. Ireng kumpul padha ireng lir kadya gagak reraton. c. Wedang bubuk gula jawa, yen kepethuk ati lega.

b. Roning mlinjo, sampun sayah nyuwun ngaso. d. Jamune rasane legi bratawali.

15. Tembung nggodhog wedang, menek klapa, nguleg sambel, kuwi kalebu tuladhane tembung ....

a. bebasan c. rura basa

b. paribasan d. entar

16. “Bocah yen gedhe sirahe dikandhani malah ngabangke kuping.” Tembung kang katulis miring kalebu tembung ....

a. bebasan c. rura basa

b. paribasan d. entar

17. Unen-unen kang kudu dibatang diarani ....

a. saloka c. paribasan

b. cangkriman d. panyandra

18. “Percayaa, sapa salah bakal seleh.” Ukara kuwi nduweni purwakanthi ....

a. Guru swara c. guru basa

b. Guru sastra d. lumaksita

19. Tembung sarwendah, prapteng, jalwestri, kuwi kalebu tuladhane tembung ....

a. saroja c. yogyaswara

b. garba d. saloka

20. “Saben dina Baskara nyapu latar sadurunge lunga sekolah.” Manut kalungguhane tembung saben dina kalebu ....

a. jejer c. lesan

b. wasesa d. katrangan wektu

21. Bagus sregep sinau.

Bagus lulus kanthi biji apik.

Ukara loro kuwi yen didadeke ukara camboran dadine ....

a. Bagus sregep sinau naning lulus kanthi biji apik. c. Bagus sregep sinau mulane lulus kanthi biji apik.

b. Bagus lulus kanthi biji apik mulane sregep sinau. d. Bagus lulus kanthi biji apik sanajan sregep sinau.

22. Ukara kang kalebu tuladhane ukara tanggap yaiku ....

a. Wedhuse mangani tanduran. c. Tuku gedhang karo jagung.

b. Gabahe dithotholi pitik. d. Galuh sinau maca lan nulis tulisan jawa.

23. “Minangkani pamundhutipun bapa Winarto Anjar jejer pangraciking adicara...” Tembung pamundhutipun kalebu tembung andhahan kang linggane....

a. pamundhut c. pundhut

b. mundhut d. mundhuti

24. Pratelan sing nduweni tembung rangkep dwi purwa yaiku….

a. Linambaran kencenging dedonga c. ingkang dhahat kinurmatan

b. widada nirhing sambikala d. suka renaning penggalih

25. “Parto, ati-ati yen numpak montor, aja ngebut aja nglanggar bangjo.” Tembung bangjo kuwi kalebu tembung ....

a. wod c. lingga

b. camboran d. lingga andhahan

26. Tembung sing durung owah saka asale utawa isih asli diarani tembung ....

a. wod c. lingga

b. camboran d. lingga andhahan

27. “Linambaran kencenging dedonga.” Kepriye pangrimbage tembung linambaran kuwi?

a. Li + nambar + an c. lambar + (seselan) in + an

b. Lin + ambar + an d. lambaran + (seselan) in

28. Dhadhaku deg-degan dithutuk watu. Panulisan sing bener manut ejaane yaiku tembung nomer….

1                  2                 3          4

a. 1 ; 4 c. 1 ; 2

b. 1 ; 3 d. 1 ; 2 ; 4

29. “Siti, mengko yen awakmu neng pasar tulung ibuk pundhutke pelem sejinah bae.”. Tembung sejinah manut jinise tembung kalebu tembung ....

a. aran c. kriya

b. wilangan d. panguwuh

30. Tembang macapat kuwi cacahe ana 11 kanthi urutan maskumambang, ..., sinom, kinanthi, ..., gambuh, dhandhanggula, durma, pangkur, ..., pocung.

a. mijil ; asmaradana ; megatruh c. megatruh ; mijil ; asmaradana

b. asmaradana ; megatruh ; mijil d. megatruh ; asmaradana ; mijil

31. Tembang macapat ... cengkorongane 8u – 8i – 8a – 8i – 8a – 8i.

a. Kinanthi c. Dhandhanggula

b. Gambuh d. Maskumambang

32. Pada sepisan tembang macapat unine “Aturing petruk paring kang weh manis”, mratandhakake yen tembang macapat mau kelebu tembang macapat….

a. Kinanthi c. Dhandhanggula

b. Gambuh d. Maskumambang

33. “Dwija murti trussing budi”. Sengkalan lamba kuwi nuduhake taun….

a. 1953 c. 1973

b. 1963 d. 1983

34. Kanggo nggoleki taun ing sengkalan kudu ngerti watake tembung. Tembung kang nduweni watak angka 5 yaiku....

a. Kardi, karya, karta c. Wiku, biksu, dwija

b. Tata, danawa, raseksa, panca d. Brahmana, manggala

35. Kang padha ngramekake pengetan pitulasan ing desaku akeh banget, lapangan dikebaki lanang wadon, enom .… padha melu lomba kabeh.

a. mudha c. wredha

b. tuwa d. taruna

36. Bantala rengka kuwi candrane mangsa karo. Tandha-tandhane yen wis mangsa karo yaiku….

a. Mangsa who-wohan c. lemah padha pecah

b. Wiwit ana udan d. sumber padha asat

37. Pacelathon ing dhuwur yen diwalik, sing dadi tamune Pak Kades, Kirana anggone matur karo Pak Kades...

a. Lho, kok Pak Kades. Nitih punapa lan karo sapa pak?

b. Lho, kok Pak Kades. Numpak apa lan karo sapa mau pak?

c. Lho, Pak Kades. Ana perlu apa pak kok mrene?

d. Lho, Pak Kades. Mangga pinarak mriki!

38. Pak Kades : Lho, kok nak Kirana. Numpak apa lan karo sapa mau?

Kirana : Numpak sepedha, piyambakan kok pak.

Pak Kades : Lha tekamu mrene apa diutus ibumu?

Kirana : Boten Pak, namung wonten perlu sakedhik.

Basa kang digunakake Pak Kades ing pacelathon mau yaiku basa.…

a. Ngoko lugu c. ngoko lugu lan ngoko alus

b. Ngoko alus d. karma lugu

39. Kowe diterangake materi pelajaran dening bapak guru, nanging durung mudheng. Kepriye anggonmu matur?

a. Pak, nuwun sewu, kula dereng mudheng. c. Pak, nuwun sewu,kula badhe nyuwun pirsa.

b. Pak, nuwun sewu kula badhe tangklet. d. Pak, kula badhe tangklet dereng mudheng.

40. Tuladhane ukara kang migunakake basa karma alus yaiku...

a. Aku ora mlebusekolah jalaran lara. c. Rawuhipun eyang sampun kalawingi sonten.

b. Bapak ora kersa dhahar lan ngunjuk. d. Para tamu pun kathah sing dhateng.

41. Tas biru punika … kula, dene ingkang cemeng … Pak Tulus.

a. Kagunganipun ; kagunganipun c. gadhahanipun ; gadhahanipun

b. Kagunganipun ; gadhahanipun d. gadhahanipun ; kagunganipun

42. Ukara ing ngisor iki sing bener manut unggah-ungguhe yaiku….

a. Apa sampeyan empun krungu kabar?

b. Mripate bapak kula wingi kelilipen.

c. Pak, mangke manawi siyos tindak kula badhe ndherek.

d. Kandhane mbah Karta sesuk bengi wonten tasyakuran.

43. Manawa kang ngrungokake sesorah iku luwih akeh sing sepuh prayogane migunakake basa.…

a. Ngoko alus c. karma alus

b. Karma lugu d. karma madya

44. Tujuane sesorah/pidato ing adicara pengetan Hardiknas yaiku kanggo….

a. Maringi kawruh c. mengaruhi

b. Maringi kasenengan d. golek simpati

45. Wujude aksara rekan sing bener yaiku….

a. k+ ; g+ ; f+ ; j+ ; p+ c. k+ ; g+ ; f+ ; j+ ;y+

b. n+ ; g+ ; s+ ; j+ ; p+ d. n+ ; g+ ; p+ ; w+ ; s+

46. Urut-urutane angka jawa 5 nganti 9 wujude....

a. 5 6 7 8 9 c. 5 6 7 w 9

b. 4 5 7 8 9 d. 5 6 a 8 9

47. ? Ami ;lgi f+iki/. Yen ditulis aksara latin unine….

a. Umi lagi dzikir. c. Omi lagi dzikir

b. Emi lagi dzikir. d. Ami lagi dzikir.

48. lku[n ky….

a. micis wutah c. macan luwe

b. ndamar kanginan d. kupu atarung

49. “Dhuwite sing Rp. 279.650,- dicelengi.” Yen ditulis jawa dadine….

a. ?fuwi[t si= [a/[p ';279850; di[c[lzi.

b. ?duwi[tT si= ;279650; rupiyh di[c[l=zi.

c. ?duwi[tT si= ;374950; rupiah di[c[l=zi.

d. ?duwi[tT si= ;349650; rupiah di[c[lzi.

50. “Atiku dheg-dhegan sanajan wis sinau” yen ditulis jawa dadine….

a. ?atiku degDegGnSnjnWisSinau. c. ?atiku [dgDegGnSnjJnWisSinau.

b. ?atiku dekDekGnSnjnWisSinau. d. ?atiku fefDegGnSnjnWisSinau.

II. Wangsulana pitakon-pitakon ing ngisor !

1. Ukara-ukara ing ngisor kepriye kramane?

a. Pak Karto tiba saka sepedha dhengkul lan pundhake lara .

b. Pak Jarot, aku dikongkon Pak Lurah supaya ngandhani kowe yen sesuk kowe dikon ngirim layang iki.

c. Aku dikongkon ibuk tuku dhele, tela, klapa, beras, uyah lan gula ing pasar Gabus.

2. Sapa arane paraga wayang ngisor iki?

3. Ukara ing ngisor salinen nganggo tulisan jawa!

a. Zaenal Arifin laire tanggal 27 Agustus 1985.

b. Rempeyek kacang pancen enak rasane tur nglawuhi.

4. Gawe layang iber-iber kuwi kudu runtut. Tulisen kanthi runtut cengkorongane layang iber-iber!

5. Gawea tuladha parikan (4 wanda + 4 wanda) x 2  cacahe loro bae!